Sunday, April 5, 2009

kinsa ba gyud diay ako?

naduro ka sa imong mga pangutana
niinsiter nga nasayran mo na kung nganong
nagpakahilom ug wala mutingog,
nagduda nga ang anaa sa imong hunahuna ang tinuod

apan ingnon ko ikaw pag-usab, mahal ko
wala pay naka-ila kanako,
miski ang kaban sa akong kagahapon
ania gilukuban sa iyang pagtuki sa akong sugilanon

kinsa ba gyud diay ako?
wala na tingale'y angayan pang ipangutana
ako mao ako, ug kung may pagduda ka man
imo usab kana, dili ko na tingale kana mausab pa

No comments:

Post a Comment