Friday, November 12, 2010

init nga panimalos

salbahis ang siling kulikot
sa iyang kagamay

magpadugmok kini
magpakahilom

magpalumos sa itom
nga patis ug suka

apan pagbantay
dili imo ang tanang kalipay

sa iyang pagkapulpog
iya unya ang katawa

andam siyang mupahilak
ug sa walay duha duha

pangitaon mo ang tubig
haron ibanlas ang iyang

init nga panimalos

2 comments:

  1. Ganahan ko ini, day! Hinaot uyon ra ka nga ipatik ko ni sa Kabisdak. Matag karon ug unya, manghagpat ko diri'g mga mugna nimo aron idalit sa mga dumuduaw sa atong balayan sa mga balak, kon mosugot ka.

    Padayon sa pagsulat!

    MykeO

    ReplyDelete