kinsa ang gaingon?
ang kinabuhi mao karon
karon ug dili kadtong
nangagi
samang ang malung-ag
mao lamang ang ania
sa akong kaldero
dili kadtong gitangag
sa mga maya
sa dihang nagtubo pa
sa iyang pilapil
dili usab kadtong
gituka sa manok
ug gikaykay palayo
sa hanig nga nagsilbing
gabay sa iyang pagkahidangat karon
dili usab kadtong nangahulog sa dalan
ug labawng dili kadtong mga tipasing
gihubo usa ka pa naingon karon dinhi
haron bagahan, kayuhan, initon,
lutuon haron unya mapuslan
ayaw niana
naguol ko nimong maghunahuna
No comments:
Post a Comment