Wednesday, June 10, 2009

pangagho sa usa ka kamingaw

ang tinuod
ganahan unta kong
magtuyo pagsulat
sa imong giingon

kanang balak kabahin
sa usa ka magbabalak

apan unsa ba?

daw sa dili malitok
sa akong mga tudlo
ang matuod nga mga pulong
nga nagpangurog
sa kahadlok
nga tukion
sa mga matukibon

maong pasaylua
kining mikitiw
nga pagbati

gimingaw lang
nipahayag
sa pila ka mga pangaghong
nagtampusisok
sa akong dughan

No comments:

Post a Comment