pasagdahan tang mahinanok
ang kahinam nga ania
piniriso sa atong dughan
pasagdahan tang mahikatulog
kining tinagubtob sa atong panag-uban
pasagdahan tang musayaw sa kalipay
ang atong mga pagbati ilawom sa
sa dan-ag sa lingin nga bulan
pasagdahan tang magpa-uraray
ang sonata ug awit sa gitara
nga hagbay ra natong nahikalimtan
wala kita magdamgo
matuod kita
wala usab ako nibalak
matuod kini
alang kanimo
akong pinalangga
niining dagat
nga puno sa kalinaw
No comments:
Post a Comment